发表于:

Kali精选今年E3十大游戏 (下)



Kali精选今年E3十大游戏 (下)

2015年度E3虽然已经曲终人散,Kali上次只介绍咗头果五只十大心水游戏,当然意犹未尽啦,事不宜迟睇吓其余五只又会唔会同样係你心中之选呢?

Kali精选今年E3十大游戏 (下)

《The Division》

Tom Clancy已经离世近两年之久,但佢嘅军事小说作品仍然非常深入民心,Ubisoft独家Tom Clancy's系列最新游戏作品《The Division》自成一格,揉合射击加求生元素,故事由一场横扫纽约市嘅疫症开始,当城市各样功能开始瘫痪之际,食物、水同其它资源亦开始短缺,玩家投入操作一队秘密特工部队维持社会文明这最后防线。E3片段最精彩嘅当然係online 模式啦,当中有三队玩家对战,为咗争夺资源外,玩家同时要考虑对策,同敌人结盟对打另外一队,为完成任务甚至可以出卖自己队友,呢只游戏点止射击咁简单?仲有人性心理计算在内,究竟世界末日来临时,你可以有几正义,还是有几卑劣?

发售日期:3-6-2016

Kali精选今年E3十大游戏 (下)

《Mirror Edge: Catalyst》

EA发行DICE製作嘅第一身动作冒险游戏《Mirror Edge》喺2008年尾首次发行,游戏风格非常独特,颜色鲜明夺目,创新地透过Parkour玩法滑过障碍物、攀墙、爬水管同翻滚等,喺都市大厦中穿梭,带畀玩家一种无限自由嘅感觉!呢只游戏喺当年更赢得年度互动成就奖最佳冒险游戏。新一集Catalyst女主角比上集造型更加型更加靓女,主角同样利用一身本领对抗极权政府,反强权反建制嘅游戏就最啱Kali胃口,How about you?

发售日期:23-2-2016

Kali精选今年E3十大游戏 (下)

《Metal Gear Solid 5 Phantom Pain》

Kali认识嘅所有男玩家,都係等紧小岛秀夫喺Konami最后有份参予嘅MGS5出炉,大家一直都好支持MGS,其中一个原因係喜欢小岛加入恶搞玩法,例如放本咸书喺地下诱敌、扮纸皮箱暪过敌人视线等幽默风趣嘅玩法只有MGS独有,好彩今集仍然有小岛曾经喺PSP版本出过打晕对手,用热气球放走佢嘅恶搞玩法,虽然小岛徽章已被Konami除去,但証明今集依旧有小岛参与,令唔少Fans打咗强心针,而呢只将会係小岛最后MGS系列之作,机友又点会错过呢个传奇篇章喎?

发售日期:1-9-2015

Kali精选今年E3十大游戏 (下)

《莎木3》

Kali之前接受过苹果日报访问,记者提问最希望边只游戏复活,其中提及嘅就係莎木,虽然未曾接触过呢只游戏,但佢开创先河嘅全新游戏模式,将互动性同自由度带入游戏世界,影响日后嘅游戏例如《人中之龙》,甚至之后open world玩法唔多唔少亦因为《莎木》所影响,对呢只游戏又点可以唔知。更重要嘅係游戏围绕住日本、香港同中国为故事背景,仲有富有传奇特色嘅九龙城寨做蓝本,身为香港人,虽然错过以前嘅旧作,但真係几期待呢只作品!《莎木》製作人铃木裕喺E3上表示于Kickstarter上集资后不到12小时已有200万美金开发金额,官方后来为新要素解锁门槛,探索「白沙」、「鸟舞」,「白鹿村」三个区域内容,更提高募资金额为1100万美金,虽然目前已突破370万美金,距离目标仍有一段路,不过大家对《莎木3》再度现世係抱有乐观态度嘅,如果好希望呢只游戏复活,大家可以去Kickstarter捐下钱啰!

发售日期:待定

Kali精选今年E3十大游戏 (下)

《ADR1FT》

由Three One Zero製作嘅第一身游戏《ADR1FT》俨如一部互动式小说,玩家扮演Commander Alex Oshima喺已破坏嘅太空站上飘浮,不断收集氧气罐维持生命,同时亦要解谜寻找返回地球嘅方法。故事发生喺2037年一个叫Zero Gravity嘅地方,游戏背景同元素都非常未来,啱晒锺意SciFi嘅玩家。除咗靓绝嘅画面绝对吸引眼球外,背景例如机仓内外嘅设计、科技装备都非常细緻;而主角一开始点解会喺呢个已破坏嘅太空站上呢?引人入胜嘅片段固然令人想知道故事以后嘅发展,虽然游戏好快喺两个月后就PS4、Xbox One同PC上推出,但更吸引嘅係明年9月可以喺Oculus Rift上玩,完全体验!唔知用新科技玩呢只游戏,会唔会真係感受到无重力果种感觉呢?又唔知玩开第一身射击都冇问题,玩Oculus Rift会唔会晕浪呢?

发售日期:9-2015

Kali精选今年E3十大游戏 (下)